लेखा व्यवसायीहरुको पाँचौ राष्ट्रिय सम्मेलन आयोजना हुँदै
लेखा व्यवसायीहरुको पाँचौ राष्ट्रिय सम्मेलन आयोजना हुँदै
नेपाल चार्टर्ड एकाउन्टेन्ट संस्था (आइक्यान)को आयोजनामा लेखा व्यवसायीहरुको पाँचौ राष्ट्रिय सम्मेलन मिति २०८३ बैशाख १६ र १७ गते (बुधवार र बिहीबार) काठमाडौंमा आयोजना हुन गइरहेको छ ।
यस सम्मेलनमा लेखाव्यवसायको क्षेत्रका महत्वपूर्ण विषयवस्तुहरु लगायत आर्थिक तथा अन्य समसामयिक विषयवस्तुको विकास तथा परिवर्तनहरु उपर छलफल गरी नीति निर्माणमा सहयोग पुर्याउने उद्देश्यका साथ संस्थाले “बिश्वास र आर्थिक सुशासनको सुदृढीकरण मार्फत नेपालको आर्थिक रुपान्तरण” विषयक पाँर्चौ राष्ट्रिय लेखाव्यवसायी सम्मेलन आयोजना गर्न गईरहेको छ ।
नेपालको अर्थतन्त्रको सघन ज्ञान राख्नुहुने पुर्व अर्थमन्त्रीयूहरु, आर्थिक क्षेत्रका अग्रज व्यक्तित्वहरु, लेखा व्यवसायी तथा सूचना प्रविधी विज्ञहरुको प्यानल छलफल तथा कार्यपत्र प्रस्तुतिकारण मार्फत सम्मेललनलाई विशेषतः ६ वटा प्रमुख प्राविधिक सत्रमा विभाजन गरी संचालन गरिने छ भने एक व्यवसायिक नेतृत्व सम्बन्धी उत्पेरणा सत्र समेत रहने छ । सम्मेलनमा देशभरबाट छ सय भन्दा बढी लेखाव्यवसायी लगायत कर्पोरेट हाउसका विशिष्ट व्यक्तित्वहरुहरुको सहभागिता रहने छ ।
उक्त विभिन्न सत्रहरू मार्फत वर्तमान आर्थिक परिदृश्यको विश्लेषण गर्दै सम्भावित आर्थिक संरचनागत परिवर्तनका क्षेत्रहरू पहिचान गरिनेछ भने दिगो आर्थिक रूपान्तरणका लागि संस्थागत विश्वास, पारदर्शिता र सुशासन सुदृढ गर्ने विषयमा छलफल गरिनेछ । नवप्रवर्तन र डिजिटल प्रविधिको प्रभावकारी संयोजन मार्फत आर्थिक रुपान्तरण, ESG अभ्यासको कार्यान्वयनमा पेशाकर्मीहरूको भूमिका अभिवृद्धि, तथा पेशागत अभ्यास विकासका चुनौती र समाधानका उपायहरूबारे विचार–विमर्श गरिनेछ । साथै, नेपाललाई अन्तर्राष्ट्रिय लेखा आउटसोर्सिङ केन्द्रका रूपमा विकास गर्ने सम्भावना तथा त्यसका लागि आवश्यक दक्ष जनशक्ति र रणनीतिहरूबारे समेत छलफल गरिनेछ ।
सम्मेलनमा देशभरबाट छ सय भन्दा बढी लेखाव्यवसायी लगायत कर्पोरेट हाउसका विशिष्ट व्यक्तित्वहरुहरुको सहभागिता रहने छ ।